Caixa Activa: Banca Electrónica e Telefónica para particulares

O seu servizo gratuíto de Banca Electrónica e Telefónica, cun mesmo acceso unificado para ambos os servizos.

Con só unha tarxeta de coordenadas e un PIN (número secreto) xa poderá operar a través de Banca Telefónica. A través de Internet engadimos un novo sistema de acceso que reforza a súa seguridade e que incorpora o teléfono móbil como dispositivo adicional.

Está destinado a facilitarlle a información e xestión das súas contas dende calquera lugar, e a calquera hora do día.

• Inscribirse no servizo Caixa Activa
• Demostración do servizo Caixa Activa

Súmese á Banca Electrónica máis segura, cun novo sistema de acceso que incorpora o teléfono móbil como dispositivo adicional e que poderá solicitar no 902 20 91 33.

Apúntese, a través de Caixa Activa Internet, ao noso novo
servizo de e-correspondencia e esquézase dos papeis.

Na actualidade, os servizos dispoñibles son os seguintes:

Xestión e contratación online de contas e depósitos

Préstamos e Créditos

Investimentos

Tarxetas

Recibos e Domiciliacións

Servizos Móbiles

e-Correspondencia

Varios

 Divisas

 

Tarifas

Caixa Activa é un servizo gratuíto, polo que non terá ningún custo ao inscribirse, ademais, poderá beneficiarse de tarifas vantaxosas se opera a través de Internet.

Se vostede solicita o servizo de e-correspondencia no menú de Caixa Activa, non terá gastos de correo e disporá dun arquivo de todos os xustificantes e recibos que lle enviamos dende Caixa Galicia.

 

Tipos de Acceso

Ser cliente de Caixa Activa permitiralle realizar as súas operacións a través do ordenador ou teléfono, grazas a unha tarxeta de coordenadas e un número secreto que lle facilitaremos ao inscribirse no Servizo. Unha vez dado de alta, se o desexa, poderá ademais descargar no seu teléfono móbil a aplicación Activa Móbil para acceder ás principais operacións de Caixa Activa dende calquera lugar.

Tamén pode acceder á súa Caixa Activa- internet co dni-e. Consulte os pasos a seguir.

A través do seu ordenador

Poderá consultar e operar coas súas contas as 24 horas do día, os 7 días da semana, de forma totalmente segura e confidencial. E en condicións preferentes!

Só ten que conectarse á páxina de Internet www.caixagalicia.es ou directamente a https://activa.caixagalicia.es e introducir o seu PIN (número secreto) e os datos da tarxeta que lle sexan solicitados.

A través de chamada telefónica

Só ten que marcar o 901 147 147 (00 34 981 179 600, se é chamada internacional) e os nosos operadores atenderano/a, tanto para realizar operacións como para resolver as súas consultas (teña a man a súa tarxeta CaixaActiva, porque lle pedirán unha coordenada dela).

Disporá, ademais, dun amplo horario (de 8.00 a 22.00 horas de luns a venres e de 8.00 a 15.00 horas os sábados) para realizar calquera das operacións dispoñibles. Fóra deste horario, pode realizar as operacións dispoñibles no servizo de atención automática as 24 horas do día, os 7 días da semana.

A través do teléfono móbil

Se descarga a aplicación Activa Móbil no seu teléfono móbil, poderá acceder comodamente dende calquera lugar e en calquera momento ás principais operacións de Caixa Activa de forma totalmente segura e sen necesidade de usar a tarxeta de coordenadas.

Caixa Activa Acceso Plus

Queremos presentarlle unha forma distinta de acceso a Caixa Activa. Poderá xerar as claves de acceso a caixa Activa Internet, sen necesidade de recibir unha SMS, tan só ten que acceder á súa aplicación móbil Activa Móbil e utilizar o Acceso Plus.

O funcionamento é moi doado e comprobará que todo son vantaxes:

• Non necesita cobertura no móbil para acceder a Activa internet.
• Tampouco precisa a tarxeta de coordenadas se só realiza consultas. 
• Sen gastos de conexión (excepto de descarga) no móbil. 
• Poderá acceder dende calquera país; aínda que viaxe pode usar a súa Caixa Activa Acceso Plus.

+ info na sección de Servizos móbiles do menu de Caixa Activa internet 

 

Vantaxes

Facilidade:

Sistema de sinxelo acceso, de consulta e de operatoria, tanto a través de Internet como do teléfono, xa que figura coas mesmas claves en ambos os servizos.

Rapidez, axilidade, comodidade, flexibilidade e adaptabilidade:

Evítalle desprazarse á oficina para realizar as súas xestións financeiras. Pode operar a calquera hora (Internet) e dende calquera lugar (Banca Telefónica e Internet).

Seguridade e confidencialidade:

Elevados controis que lle garanten a máxima seguridade.

Axuda directa:

Se opera a través de Internet, existe unha liña telefónica  902 20 91 33, que en horario de 8.00 a 22.00 de luns a venres e de 8.00 a 15.00 h. os sábados atenderá as súas consultas. Ademais, dispón dun enderezo de correo electrónico onde consultar calquera dúbida activa@caixagalicia.es.

Gratuidade:

Este servizo preséntase sen custo ningún de inscrición ou mantemento, ademais poderá beneficiarse de tarifas vantaxosas se opera a través de Internet.

 

Seguridade

Con Caixa Activa dispón de elevados controis que lle garanten a máxima seguridade.

• Coñeza todo o que debe saber acerca da Seguridade en Caixa Activa

Caixa Activa reforza a súa seguridade, cun novo sistema de acceso que incorpora o teléfono móbil e que poderá solicitar a través de Banca Telefónica no 902 20 91 33.